المصروف المقدم والمصروف المستحق

يعنى ايه مصروف مقدم؟! ويعنى ايه مصروف مستحق؟!
في الأول لازم نعرف يعنى ايه مصروف
  المصروف : هو اى مبلغ الشركة بتدفعه علشان تاخد قصاده خدمه (الخدمة دى اللى هتساعد الشركة انها تنتج وبالتالي هتبيع وبالتالي تكسب)
زى ايه؟
 1 –الايجار:  الشركة بتدفع فلوس مقابل انها تاجر مكان المصنع (هي دى الخدمة)(الايجار ده اللى هيخلى الشركة تفضل في المكان ده وتستخدمه علشان تعرف تنتج منتاجتها وتبيع وتكسب)
 2- فاتورة الكهرباء:  الشركة بتدفع فلوس علشان يجيلها كهرباء (هي دى الخدمة) (الكهرباء دى اللى الشركة هتشغل بيها الالات والماكينات اللى هتنتج فالبتالى هنبيع وهتكسب)
يبقى الملخص المصروف هو مبلغ بتدفعه الشركة علشان يجيبلها مكسب اللى هو ايراد (سواء في نفس السنة او على كذا سنة)

طب افرض لو الشركة دفعت فلوس ومخدتش قصادها اى خدمة ولا هتاخد ومفيش اى مقابل للفلوس اللى ادفعت دى ساعتها تبقى دى اسمها (خسارة) ليه؟ علشان دا مبلغ خسرته الشركة دفعته ومخدتش مقابله اى حاجة فكانها رمته في الهوا، زى ايه ؟
1- عندى فاتورة كهرباء ب 100ج ومرضتش ادفعها في وقتها راحت مصلحة الكهرباء قالتلى علشان تاخيرك دا هنفرض عليك غرامة 10ج فهتدفع 110 ج (نيجى هنا ال110 ج خدت مقابلهم كلهم خدمة لا طبعا ،انا خدت خدمة (اللى هي الكهرباء ب 100 ج بس) وال 10 ج فلوس هدفعها ومش مقابلها اى حاجة ولا اى خدمة (يبقى انا خسرتها وتتسمى خسارة ) .

طب يعنى ايه مصروف إيرادى و مصروف راسمالى ؟ المصروف الايرادى والمصروف الراسمالى : تعريفهم هو نفس تعريف المصروف بالظبط (مبلغ بتدفعه الشركة علشان تجيب ايراد او مكسب )
بس الفرق ان المصروف الايرادى بيجيبلى الايراد والمكسب في نفس السنة (في نفس الفترة المالية )
زى الايجار , الكهرباء , النظافة والمياة (دى مصاريف ايرادية )بستفيد منهم خلال نفس السنة يعنى (بيساعدونى على تحقيق ايراد او مكسب خلال نفس السنة )
اما المصروف الراسمالى بيجيبلى الايراد والمكسب السنادى وسنييين جاية يعنى (بيساعدنى على تحقيق ايراد او مكسب على كذا سنة مش سنة واحدة بس مثلاً
1- اشتريت الة (الالة دى هتساعدنى في الإنتاج السنادى والسنة اللى جاية واللى بعديها لحد ما تجيب اخرها ) (يبقى هي كدة ساعدتنى في الإنتاج السنادى والسنة اللى جاية واللى بعيدها وبالتالي ساعدتنى انى احقق مكسب السنادى والسنة اللى جاية واللى بعديها ) مش السنادى بس.
2- عملت عمرة لموتور العربية اللى بتنقلى البضايع (العمرة دى اللى هتخلى العربية تشتغل سنين اكتر يبقى هتساعدنى في توصيل البضاعة السنادى والسنة اللى جاية وهكذا ، يبقى هتساعدنى في تحقيق مكاسب وايرادت على كذا سنة مش سنة واحدة ).

بعد ما شرحنا يعنى ايه مصروف نيجى بقى لموضوعنا يعنى ايه مصروف مقدم ومصروف مستحق ؟
 1- المصروف المقدم :  ده مبلغ الشركة بتدفعه قبل ما تاخد الخدمة (يعنى دفعت الفلوس ولسة مخدتش الخدمة – هتاخدها بعدين) طب حد يقول مانا مخدتش مقابل الفلوس دى خدمة تبقى (خسارة) ؟ لا طبعا الخسارة مخدتش خدمة ولا هتاخد خدمة خالص ولكن المصروف المقدم مخدتش خدمة دلوقتى ولكن هاخدها بعدين.
طب زى ايه
الشركة مأجرة مخزن للبضاعة بتاعتها بتدفع ايجار الشهر الجديد فى نهاية الشهر اللى قبله يعنى مثلا ايجار شهر مارس هى بتدفعه في اخر شهر فبراير (يبقى الشركة كدة بتدفع فلوس في شهر وبتاخد الخدمة فى شهر تانى) يعنى بمعنى تانى انا دافع فلوس مقدما قبل ما اخد الخدمة.

2- المصروف المستحق :  دى بقي خدمة الشركة خدتها ولسة مدفعتش فلوسها وهتدفع فلوسها بعدين (يعنى عليها مبلغ مستحق بقيمة الخدمة دى دين عليها لحد ما تسدده)
زى ايه؟
زى خدمة التليفون: الشركة استفادت بخدمة التليفونات شهر مارس وابريل وكمان مايو ومدفعتش مليم للمصرية للاتصالات مقابل الخدمة وفى شهر يونيو بيجيلها فاتورة من المصرية للاتصالات باستهلاك ال 3 شهور كلهم، تروح الشركة مسددة الفلوس المستحقة عليها(قيمة خدمة ال 3 شهور).
بعد ما شرحنا المصروف المقدم والمستحق؟ نيجى للسؤال الأهم، ايه موقف المصروف المقدم والمستحق بالنسبة للشركة؟! يعنى بيعتبروا أصول ولا خصوم ولا مصروف ولا ايراد؟

أ_المصروف المقدم :  احنا قولنا ان المصروف المقدم دى فلوس ادفعت ومخدتش مقابلها خدمة هخادها بعدين يعنى دى فلوس بتاعتى ادتها لجهة ومخدتش مقابل الفلوس اى حاجة يبقى انا كدة مداين الجهة دى بالفلوس بتاعتى لحد ما يقدمولى الخدمة (يعنى فلوس ليا برة) فبتتعامل نفس معاملة العملاء لما بديهم بضاعة ومسددوش تمنها ، فبتعتبر اصل من اصول الشركة لحد ما استفاد بالخدمة ساعتها يبقى فلوس ادفعت مقابل خدمة فتبقى مصروف .
ب_المصروف المستحق :  احنا قولنا ان المصروف المستحق دى خدمة استفدت بيها ولسة مدفعتش تمنها يعنى انا مطالب بسداد تمن الخدمة دى علشان انا مديون بقيمة الخدمة دى للجهة اللى ادتهالى يبقى ده التزام عليا ، فتعتبر خصم من خصوم الشركة .

المعالجة المحاسبية :

ثانياً : المعالجة المحاسبية   للمصروف المقدم : 
احنا قولنا ان المصروف المقدم هو أصل من أصول الشركة وبيظهر في حالة ان فلوس بتدفع مقدما قبل ما استفيد بالخدمة (فبمجرد ان الحالة دى بتظهر) بيظهر المصروف المقدم يعنى بيظهر أصل جديد (يعنى أصل بيزيد يبقى مدين)، طب الطرف الدائن؟ الطرف الدائن اللى دفع الفلوس دى اللى هو البنك او الخزنة (على حسب مين اللى دفع الفلوس فيهم وقل بقيمتها) يبقى القيد الأول (في حالة ظهور المصروف المقدم):
من حـ/ المصروف المقدم (الأصل اللى زاد عندى) (على حسب اسم المصروف ممكن يكون ايجار مقدم، تامين مقدم، م. دعاية وإعلان مقدم)
الى حـ / البنك او الخزنة (اللى سدد قيمة المصروف المقدم ده) طب خلاص كدة؟!
لا طبعا لسة لما اخد الخدمة اللى انا دفعت علشانها الفلوس دى واستفيدبيها ايه اللى بيحصل ؟، اللى بيحصل ان الفلوس اللى ادفعت بتبقى خلاص مقابلها خدمة وانا خدتها و استفدت بيها فبقت (مصروف فعلى) (فلوس دفعتها وخدت خدمة) فيبقى المصروف الفعلى ظهر يعنى مصروف زاد ولازم اثبته (مصروف بيزيد يبقى مدين) واصل عندى قل (اللى هو المصروف المقدم)(اصل بيقل يبقى دائن) يبقى القيد :
من حـ / المصروف الفعلى (على حسب اسم المصروف ممكن يكون ايجار ، تامين ، م. دعاية وإعلان)
الى حـ / المصروف المقدم (الأصل اللى قل عندى) (على حسب اسم المصروف ممكن يكون ايجار مقدم، تامين مقدم، م. دعاية وإعلان مقدم) 

ثانياً : المعالجة المحاسبية   للمصروف المستحق : 
المصروف المستحق (دى خدمة خدتها ولسة مدفعتش تمنها) (يعنى تمنها التزام عليا) يعنى خصم جديد بيظهر من ضمن خصومى (يعنى خصم زاد يبقى دائن)، طب الطرف المدين؟ الطرف المدين هو الخدمة اللى خدتها واستفدت بيها يعنى مصروف فعلى زاد (مصروف زاد يبقى مدين) يبقى القيد:
من حـ / المصروف الفعلى (على حسب اسم المصروف ممكن يكون ايجار،تامين،مرتبات)
الى حـ / المصروف المستحق ( الالتزام اللى زاد عليا ومطالب انى اسدده بعد كدة ) طب خلاص كدة؟! لا طبعا لسة لما اسدد بقي قيمة الخدمة دى اللى انا خدتها (يعنى سددت الالتزام اللى عليا اللى هو المصروف المستحق) (يبقى خصم من خصومى قل يبقى مدين)طب الطرف الدائن؟ الطرف الدائن اللى سددت من خلاله قيمة الخدمة اللى سبق وخدتها اللى هو البنك او الخزنة (على حسب مين اللى دفع الفلوس فيهم وقل بقيمتها)
ويبقى القيد:
من حـ / المصروف المستحق (الالتزام اللى قل)
الى حـ / البنك اوالخزينة (اللى سدد قيمة الالتزام اللى عليا) 

بعد ماشرحنا المعالجة المحاسبية في معلومة مهمة جدا جدا جدا، ايه هي؟
ان كل من (الايراد المقدم والايراد المستحق والمصروف المقدم والمصروف المستحق ) دى حسابات بتظهر في حالة الإيرادات والمصروفات اللى مش متعلقة بنشاط الشركة يعنى مصروفات وايرادات أخرى علشان الإيرادات المتعلقة بنشاط الشركة اسمها مبيعات وساعتها بيظهر حساب العملاء وده اللى بنرمى عليه (الاستحقاق والسداد ) يعنى البضاعة اللى بيعناها ولسة مخدناش فلوسها او الفلوس اللى خدناها مقدما ولسة مدناش البضاعة مقابلها ، والمصروفات المتعلقة بنشاط الشركة اسمها المشتريات وساعتها بيظهر حساب الموردين وده برده اللى بنرمى عليه (الاستحقاق والسداد برده) يعنى بضاعة اشترناها ولسة مسددناش فلوسها او فلوس دفعناها مقدما ومخدناش البضاعة لسة .
 •  موضوع : الإيراد المقدم والمستحق 

الموضوع من إعداد المحاسب:  أ . محمد محسن

اقرء المزيد

أقسام البنوك

ان شاء الله هنقوم بشرح مختصر لاقسام الفروع الرئيسية فى أى بنك الشرح هيكون باسلوب سهل علشان الناس كلها تقدر تفهموا وتتخيل شكل الاقسام دى بتشتغل ازى
-الاول دى خريطة تفصيلية لاقسام البنك بتوضح كل قسم بيبقى عامل ازى وهنشرح مهام كل واحد فى الاقسام دى شرح مفصل

1- oprtations department: بتكون من قسمين هما cash & operations
cash:
بيبقى مكون من head of cash و teller
head of cash
هو اللى بيبدا يوزع عهدت teller فى اول اليوم كل teller بيبقى ليه عهدة (العهدة دى المبالغ اللى مينفعتش تتدخل الخزينة بواكى )بيبقى ليها cash box بيعين فيها teller عهدتوا وبيخدها تانى يوم بيشتغل بيها والcash box دى بيتعان جوة الخزينة بيبدا head of cash الصبح بيضيف العهد دى للتيلرات على السيستم .
- بيقوم كمان head of cash باضافة المبالغ من الخزينة الرئيسية للتيلر لما يكون عنده سحبه مبلغ اكبر من عهدت التيلر بيبدا يضفلوا المبلغ علشان يقدر التيلر يمشى السحبه دى والعكس صحيح بيقوم head of cash بسحب المبالغ الزيادة عن ليمت التيلر الى الخزينة الرئيسية بمعنى كل تيلر بيبقى ليه ليمت معين يعنى لو افترضنا تيلر اللميت بتاعوا 30000.00 والتيلر كان شغال ايداعات واصبح عندوا مثلا 500000.00 المفروض head of cash يسحب المبلغ الزيادة عن عهدت التيلر ويضفهم للخزينة الرئيسية .
- بيقوم بردوا head of cash بمراجعة القيود اللى بينفذها التيلر وبيبدا يراجع الشيكات اللى بمبالغ اكبر من الـ ١٠٠ بتاع التيلر وبيدى عليها توقيع مطابق وبيرجعها كويس قبل الصرف بحيث لو فيه حاجة مش مظبوطة عدت على التيلر ياخد هو بالوا منها
-فى اخر اليوم بيبدا head of cash بتقفيل الخزينة وبيبقى عندوا حاجة من الاتنين يا اما يقفل فى حدود اللميت بتاع الخزينة بمعنى ان كل خزينة بيبقى ليها لميت مثلا خزينة اللميت بتعاها 5مليون وhead of cash هيقفل على 3 مليون ساعتها بيقفل عادى دون اى مشكله بيقوم بسحب البواكى من التيلرات واضافتها فى الخزينة الرئيسية وبيسجلها فى الدفتر الخاص بالخزينة وبعدين يبدا يضيف عهدت التيلرات على اجمالى البواكى اللى فى الخزينة وبيطابق الرصيد اللى بيطلع فى الدفتر بالسيستم لو زى بعض يبقى ظابط ومعندوش مشكلة , الحالة التانية وهى ان اقفل الخزينة هيعدى اللميت بتاع الخزينة يعنى كان يوم مثلا فى زحمة ايداعات كتير وhead of cash لقى انه هيعدى اللميت بتاع الخزينة فى الحالة دى بيبقى فيه شركة نقل اموال بتقوم بنقل الاموال الزيادة عن لميت الخزينة ل cash center .
teller:
مهاموا بيقوم بعمليات السحب والايداع وتغيير العملة
- السحب مثلا بشيك بيبدا يبص على الشيك ويتاكد انه سليم ومفهوش مشكله بيبدا يطابق توقيع الساحب لو مطابق والرصيد الساحب يسمح بيسحب الشيك عادى من غير اى مشكلة لو رصيد مش مغطى مبلغ الشيك او التوقيع مش مطابق بيبدا يبلغ head of cash ويبدا هو يكلم فرع الساحب ويعزز التوقيع ويعزز مع الفرع ان فيه عميل حسابه مش مغطى ومتقدم عليه شيك يبدا الفرع التانى يكلم العميل او ممكن يغطى حساب الشيك من حساب تانى لدى الحساب ( عميل مثلا عندوا حساب جارى وتوفير الشيك على الجارى والعميل سايب تعلميات للفرع ان لو اتقدم شيك على الجارى والحساب مش مغطى ياخد من التوفير )
-الايداعات بيبدا يتاكد التيلر ان الفلوس مظبوطة عد وفرز وبعدين يبدا يمشى على السيستم عادى من غير اى مشاكل
- السحب من حساب بتاكد التيلر ان الشخص اللى واقف ادموا دى انه صاحب الحساب عن طريق انه بيطلب منه الاطلاع على البطاقة الشخصية .
-تغيير العملة بيبدا التيلر بفرز ويعد العمله والتاكد من انها سليمة ويبدا يغير على السعر المعلن للبنك ودى بيبقى موجود على سيستم التيلر .

operations:
قسم من اهم اقسام البنك وبيسموا مطبخ البنك جزء من شغل القسم دى بيبقى مع العملاء وجزء من شغله بيبقى مع باقى ادارات البنك واغلبيتها مع ادراة الائتمان
-جزء الاول وهو جزء العملاء : استلام شيكات داخلية او خارجية والعمل على تحصيلها
داخلية يعنى مسحوبه على نفس البنك بتنقسم ل اجل واطلاع : واللى هى تاريخ استحقاقها لسه مجاش والاطلاع اللى هى تاريخ استحقاقها جه نفس القصه على الشيكات الخارجية ودى بتتحصل عن طريق المقاصة يعنى بيبقى دور الموظف انه بيستلمها من العميل ويسفرها اخر اليوم بالبريد الى ادراة المقاصة
-التحويلات الداخلية من حساب لحساب بتحول مثلا من حساب أ لحساب ب ودى اهم حاجة انك تتاكد ان حساب أ فيه مبلغ التحويل وتوقيع أ مطابق وان رقم حساب ب مطابق للاسم الاى قالك عليه العميل أ
-التحويلات المحلية عن طريق السوفت : مثلا انا حسابي فى بنك السي اي بي وعاوز احول مبلغ باى عمله لحساب شريكى فى بنك مصر البيانات اللى بتبقى مطلوبه هى اسم المستفيد اللى هو فى بنك مصر ورقم حسابوا واسم الفرع وبردوا بتاكد ان فى حساب العميل اللى عاوز يحول ان حسابوا مغطى التحويل ومصــــاريف التحويل .فى اغلب البنوك التحويلات اللى بالسوفت بتبقى عن طريق المركز الرئيسي يعنى مهمتك انك بتملى الابلكيشن مع العميل وتتاكد ان التوقيع مطابق وحساب الراجل فيه المبلغ بالمصاريف وتعمل hold على المبلغ علشان الراجل ممكن ينسى ويطلع يسحب فالتحويل يقف وبتبعت التحويل للمركز الرئيسي عن طريق الميل او الفاكس حسب كل بنك
-نفس القصة فى التحويلات الخارجية بيبقى مطلوب منك انك تاخد من عميلك كل البيانات واضحة والبيانات دى بتبقى عبارة عن اسم المستفيد رقم حساب المستفيد عنوان المستفيد واسم الفرع و السوفت كود بتاع بنك المستفيد ونفس الاجراءات فى التحويل المحلى بالسوفت
-اصدار الشيكات المصرفية والمعتمدة : الشيك المصرفى او المعتمد بيجيلك عميلك عاوز يوجه شيك لجهة حكومية او اللى حد عاوز يتاكد ان الشيك دى مظبوط بمعنى ان المستفيد لما يروح يصرفوا هيلقى المبلغ موجود والتوقيع مفهوش مشكلة الفكرة كلها انك بتاخد من حساب العميل وبتودى حساب وسيط بيبقى حساب البنك وبتصدر للعميل شيك وبتكتب فى المستفيد الجهة الاى عميلك عاوز يوجه ليها الشيك
*الجزء التانى من شغل operations الخاص ب credit بيبقى عبارة عن شغل تحويل من حساب لحساب وتحويلات خارجية وبتبقى نفس القصة اللى شرحتها قبل كده
طبعا cash & operations بيبقى ليهم مدير واحد بيبقى مسئول على القسمين دول .


2 -customer service department: customer service
شغلة عبارة عن رد عن استفسارات العملاء الخاصة بحركات الحساب ولو عميل عنده مشكله فى الكارت او فى خدمة معينه يبدا يحلها ومهاموا انه بردوا يقدم منتجات البنك للعملاء الاى بيقبلها وانه يقدر يبيع منتجات البنك دى وبيبقى ليه تارجت بيقى فى الاغلب مقسمين شغلهم يعنى مثلا موظف يبقى مسئول بتسليم الكروت وموظف بتسليم الرقم السرى وموظف خاص بالقروض واكيد كلهم بيبقوا عرفين شغل بعض

account officer
شغله زى customer service بالظبط بس بيزيد عليه نقطة من الحاجات اللى بتبقى مطلوبه منه انه يجيب شركات تقوم بتحويل مرتبات العمال اللى فى الشركة دى للبنك بيخرج يقابل عملاء وبيروح يعرض خدمات البنك لشركة مثلا ويبدا بيقنعهم بالخدمات اللى هيقدمها البنك للموظفين الشركة دى سوء كانت قروض او تامين او تمويل عقارى او تسهيلات للشركة نفسها طبعا بيبقى معاه حد من credit بحيث لو الشركة حبت تستفسر عن التسهيلات للشركة .

3-credit department sme's officer
وهو جزء من ادارة الائتمان وهو المقصود منها بتمويل المشروعات الصغير
الفكرة كلها ان الموظف دى مطلوب منه انه يجيب شركات صغيرة النشاط وراس المال وتكون بتشتغل وشغلها كويس ويبدا يدرس القوائم المالية الخاصة بالشركة دى علشان يشوف هل الشركة دى لو البنك ادلها تسهيل الائتمانى هتقدر تسدد وله ممكن يحصلها تعثر فى السداد وتبقى مشكله للبنك وللعميل فالموضوع بيبقى عاوز واحد فاهم وليه نظرة للعميل دى ينفع البنك يديلوا تسهيلات وله لاء والدائرة الائتمانية للعميل منتظمة وله لاء .

-credit officer
شغلوا جانب منه للتسويق بمعنى بيبقى مطلوب منه انه يجيب شركات حجم تعاملتها كبير وكويس وتكون خطاها ثابته مش بيحصل ليها مشاكل بيبدا يحاول انه يقنع الشركة دى انها تاخد تسهيل على حجم تعاملاتها من البنك دى طبعا بعد دراسة القوائم المالية للشركة لكذا سنه فاتت ويبدا يشوف الشركة دى ممكن تاخد تسهيل فى حدود اد ايه ويبدا بكتابة مزكرة ائتمانية عن الشركة دى والمزكرة دى بتبدا تتعرض على مدير الفرع وافق بيها بتسافر الهيد اوفس بيتاخد عليها موفقة
جزء تانى من شغل credit officer ادارة ملفات الشركات دى بيتابع حركتها ويبدا يشوف مثلا ايداع اتعمل فى الحساب الجارى للشركة دى ينزلوا على حساب التسهيل بيحيس ينزل المديونية من على العميل وبيكون key person للشركات اللى ماسك الملفات بتاعتها
-طبعا لما بيبقى حساب الائتمان متقدم عليه شيك بياخد موافقه من ادراة الائتمان لانه هو بيبقى على علم اكتر بحسابات العميل والحساب يجوز صرف الشيك وله فيه تجاوز فى حساب العميل .

customer service corporation
دى بيبقى شغله هندلت شغل الشركات بمعنى ان مثلا شركة عاوزة تقوم بعملية تدبير عمله يبدا هو يشوف dealing room ويظبط سعر الشراء ويبدا يجهز الابلكيش التحويلات الخارجية الخاصة بالشركات والوظيفه دى مش بتبقى موجودة فى بنوك كتير اغلبيتها بتبقى فى الفروع mixed ( الفروع اللى بتبقى شغاله افراد وشركات )

4-trade finance department trade finance officer
ودى قسم التجارة الخارجية وبيبقى شغله خاص بالاعتمادات المستندية وخطابات الضمان ونماذج التحصيل
دى فى اغلب البنوك بيبقى موجود فى الهيد اوفيس وبنوك قليله الاى بيبقى فيها القسم دى فى الفروع
الاعتمادات المستندية :تعهد كتابى صادر من البنك فاتح الاعتماد بناء على طلب العميل (المستورد) وبيتعهد فيه البنك بدفع مبلغ الى المصدر (البائع ) عند مطابقة الشروط المتفق عليها والواردة فى الاعتماد دون الخروج عن قوانين الدولة
يعنى بيجيلك عميل يقولك انا عاوز اعمل اعتماد مع تاجر فى الصين يبقى عميلك المستورد وتاجر الصين البائع يبدا بنكك يخاطب بنك البائع ويتفقوا على شروط بينك وبين البائع الشروط دى بتيقى فيها طرق الدفع وتسليم بوالص الشحن اللى المستورد هيطلع بيها البضاعة من الجمرك يعنى المستورد بيتفق انه هيدفع نص تمن البضاعة قبل الشحن والنص التانى لما يستلم البنك بوالص الشحن والشروط دى بيقوم بتنفيذها البنك دون الرجوع للعميل يعنى البنك لما بيستلم البوالص بيدا يحول للبائع باقى المبلغ دون الرجوع للمستورد اللى هو عميل بنك .
خطابات الضمان :تعهد كتابي يتعهد فيه البنك بكفالة احد عملائة (طالب الاصدار) فى حدود مبلغ معين اتجاة طرف تانى ووذلك ضمان لوفاء هذا العميل المكفول بالتزامة تجاة الطرف التانى خلال مدة .
نفس الفكرة من الاعتمادات بس دى بيبقى للاستخدام داخل الدوله عميل مثلا عاوز يشترى ارض وبيخش مزاد على شراء الارض دى ادارة المزاد بتبقى عوزة ضمان لو المزاد رسى على الشخص دى انه يدفع قيمت الارض فبيروح الراجل اللى عاوز يشترى الارض للبنك بيقلوا انا عاوز افتح خطاب ضمان مقابل كذا
والادارة دى بتبقى تابع لادارة الائتمان يعنى head of credit بيقى مسئول عن الادارة دى دى شرح بسيط كده لاقسام البنك.

اقرء المزيد

المؤسسات المالية

 --  تعريف المؤسسات المالية 

هي عبارة عن آلية انشأت بواسطة المجتمع تعمل كقناة وصل بين الادخار والخدمات المالية من جهة والافراد والمؤسسات اللتي لديها القدره على دفع ثمن تلك الخدمات من جهة اخرى.

 --  أهمية المؤسسات المالية 

كما هو معروف بأن هناك ثلاث اسواق رئيسية تعمل خلال النظام الاقتصادي ككل:
1- اسواق الاعمال
2- أسواق الانتاج
3- الاسواق المالية

تعد الاسواق المالية قلب الاقتصاد النابض، حيث تعمل على نقل الادخارات بشتى اشكالها وانواعها للافراد والمؤسسات الذين يحتاجون التمويل المناسب لاستثماراتهم، وبالتالي هذا السوق يعمل وبكل فاعليه في تحريك الاموال ومن ثم تحريك عجلة الاقتصاد.

 --  انواع الاسواق المالية 

1- الاسواق النقدية : هي تلك المؤسسات التي انشأها المجتمع وتهدف الى تحويل الفائض المؤقت بالنقد الى قروض ومصادر تمويل مدتها سنة واحده أو اقل.
2- اسواق رأس المال : هي تلك المؤسسات اللتي تنشيء قنوات اقراض واقتراض وتمويل طويلة الاجل، اطول من سنه واحده.

 --  تصنيف المؤسسات المالية 

1- مؤسسات ايداع وتشمل:
                                 - البنوك التجارية
                                 - مؤسسات الاقراض والادخار
                                 - بنوك الادخار
                                 - اتحادات الائتمان

2- مؤسسات تعاقدية وتشمل:             
                                    - شركات التأمين
                                    - مؤسسات الضمان

3- مؤسسات استثمارية وتشمل:
                                      - شركات الاستثمار
                                      - صناديق السوق النقدي
                                      - مؤسسات الاستثمار العقارية

اقرء المزيد

عندك انترفيو - متقلقش 1

 -  أولاً :
في شوية حاجات لازم نكون عارفينها وفي خطوات معينة لكل انترفيو وطبعا التوفيق ده من عند ربنا احنا بس نعمل اللي علينا .


 -  ثانياً :
اول لما بتدخل الانترفيو بتسلم علي اللي بيعملك الانترفيو ... السلام بيكون فورمال 
يعني ممكن بيديك لمحة بسيطة عن الوظيفة المتقدم لها و معلومات عن الشركة و ممكن يبدأ يسالك علي طول
( خلي الاسئلة شوية بس ) نتكلم عن طريقة كلامك و قعدتك و طريقة الرد
ايوة لأن كل ده مهم جدا جدا
بعد لما يخلص هيسألك عندك أي سؤال ( لازم دايما تكون محضر اسئلة) و هنقول امثلة كمان شوية
هيقولك اية اللي هيحصل و هيردوا عليك ف خلال اد اية و ينهي المقابلة
متنساش تشكره علي وقتة زي


 -  ثالثاً :
خلال الانترفيو في حاجات لازم تخلي بالك منها

1- خليك واثق من نفسك و مستعد كويس و كمان متفائل .

2- لازم يكون عندك معلومات كويسة عن الشركة زي جنسيتها عملائها المستهدفين بتشتغل ف اية بتقدم خدمات اية و منتجاتها اية كمان تكون عارف المنافسين و مقر الشركة الرئيسي و حجم الشركة و فروعها .

3- تعرف الوظيفة اللي انت مقدم ليها و تعرف هيا محتاجة اية كويس و تعرض نقاط القوة ف شخصيتك اللي تخليك افضل مرشح .

4- تسمع اللي قدامك كويس اوي و تركز ف الاسئلة و في المعلومات اللي بيقولها .

5- البنات مسموح لهم بالجلوس و انهم ( يحطوا رجل علي رجل) الولاد لأ ... مش تفرقة عنصرية و الله :)

6- الولاد بيكونوا فورمال او لابسين بدل اكيد لما يقعدوا هيفتحوا زراير البدلة .

7- و لما يقوموا العكس .

8- لازم تبص ف عين اللي قدامك مينفعش تبص ف الارض او تسرح ف حاجة لوحة مثلا علي الحيطة او تسريحة البنت اللي بتعمل الانترفيو او اي حاجة ملفتة للنظر خااالص .

9- لو هما 2 او اكتر من واحد....
ترد علي اللي يوجهلك السؤال و ترجع تبص للباقين و انت بتتكلم و تنهي كلامك عند اللي وجة السؤال لازم تبصلهم كلهم و انت بتتكلم .

10- مينفعش التهتهة في الكلام خد وقتك و خد نفس عميق و رتب افكارك ورد .

11- تجنب الاجابات القصيرة او الرد المبهم بردة تجنب الاجابات الطويلة اوي عشان متوهش منك الفكرة و متزهقش اللي قدامك .

12- لما تيجي تقعد علي الكرسي متقعدش علي طرف الكرسي لان دة بيدل علي انك مش مرتاح و قلقان كمان متربعش ايدك لان دة دليل عدم الثقة.. بردة مطرقعش صوابعك و لا تعض شفايفك و لا تقرقض ضوافرك .

13- تقعد علي الكرسي و تفرد ضهرك و تحط ايدك مفرودين علي رجليك و متحاولش تحط ايدك علي المكتب او الترابيزة و بالنسبة للبنات متحطيش شنطتك بردة علي المكتب .

14- ممكن و انت بتتكلم تعبر باديك بس مش اوفر عشان بيكون عيب .

 -   رابعاً :
الاسئلة اللي ممكن تتسألها ف اي انترفيو
هنحاول نكتب اكبر قدر من الاسئلة و هنحاول نكتب نرد ازاي و نقول ايه و منقولش ايه

كل ده هنعرفه فى عندك انترفيو - متقلقش 2

اقرء المزيد

اجابات امتحان تحديد مستوى محاسبة مالية

أستكمالاً لتدوينة امتحان تحديد مستوى محاسبة مالية 
وبناءاً على طلبات الاعضاء تم إعداد الاجابات النموذجية للأسئلة
- قبل ما تشوف الاجابات حل الامتحان فى ورقة خارجية - بعدين طابق الاجابات مع اجابتك

- السؤال الأول :

- السؤال الثانى :

- رأس المال جزء من حقوق الملكية .
• صافى رأس المال العامل = الأصول المتداولة - الخصوم المتداولة .
• رأس المال المستثمر (إجمالي الاستثمار ) = الأصول طويلة الأجل + رأس المال العامل . رأس المال المستثمر (إجمالي الاستثمار ) = حقوق الملكية + الخصوم طويلة الأجل .

- السؤال الثالث :

1- تحليل العمليات المالية
2- تسجيل العمليات المالية ( قيود اليومية )
3- ترحيل العمليات المالية إلى حسابات الأستاذ والترصيد
4- إعداد ميزان المراجعة ( قبل التسوية )
5- تسجيل قيود التسوية (التسويات الجردية )
6- ترحيل قيود التسوية
7- إعداد ميزان المراجعة ( بعد التسوية )
8- إعداد القوائم المالية
9- قيود الإقفال

- السؤال الرابع :
القوائم المالية الختامية : 4 قوائم مالية
( قائمة الدخل - قائمة المركز المالى ( الميزانية)- قائمة التدفقات النقدية - قائمة التغير فى حقوق الملكية )

- السؤال الخامس :
قائمة المركز المالى :
قائمة بتوضح المركز المالى للمنشاة من أصول وإلتزامات ويمكن إعدادها فى أى وقت فى السنة المالية
(ممكن تتعمل كل شهر - 3 شهور - كل يوم )
الميزانية العمومية : قائمة بتوضح المركز المالى للمنشأة من أصول وإلتزامات ويتم إعدادها فى نهاية السنة المالية فقط
(31 / 12 / .... القطاع الخاص - 30 / 6 / .... القطاع الحكومى )

- السؤال السادس :
عناصر قائمة التغير فى حقوق الملكية هى عناصر حقوق الملكية وهى :
اولاً : راس المال
ثانياً : الاحتياطات
ثالثاً : الارباح المرحلة
رابعاً : جارى الشركاء

- السؤال السابع :
جارى إعداده .......

-  السؤال الثامن :
1 - رصيد المخزون اول المدة + صافى المشتريات - رصيد المخزون اخر المدة .
2 - الانشطة التشغيلية والاستثمارية والتمويلية .
3 - هى مركز مالى تقديرى وليس فعلى يوضح اصول وخصوم المنشاة فى العام أو الأعوام القادمة .
4 - طريقة القسط الثابت والقسط المتناقص وطريقة عدد الوحدات المنتجة .
5 - الاصول المتداولة ÷ الخصوم المتداولة .
6 - (الاصول المتداولة - المخزون ) ÷ الخصوم المتداولة .
7 - ت . البضاعة المباعة + مخزون اخر المدة - مخزون اول المدة + موردين اول المدة - موردين اخر المدة .
8 - الإيرادات والمصروفات .
9 - التاجير التمويلى هو قيام شركة بتأجير الأصل الثابت من شركة اخرى مقابل مبلغ إيجار .
( وبعد نهاية فترة التأجير قد تؤول ملكية الأصل الى المستأجر )
10 - الاهلاك المحاسبى : هو اهلاك الاصول الثابتة وفقا للنسب التى تحددها الشركة والقائمين عليها .
اما الاهلاك الضريبى : هو اهلاك الاصول الثابتة وفقا للنسب التى تقرها مصلحة الضرائب .

-  السؤال التاسع :

1 - (خطأ ) : معدل دوران البضاعة = تكلفة البضاعة المباعة ÷ متوسط المخزون .
2 - ( خطأ ) : هو تدفق نقدى خاص بالانشطة الاستثمارية .
3 - (خطأ ) : معدل الاهلاك الضريبى الخاص بالمبانى هو 5%
4 - (خطأ ) : القيد من حـ / المستفيد , الى حـ / اوراق الدفع
5 - (صحيحة ) : حيث ان المبلغ المستحق للمورد اقل من 300ج فلا تستحق عليه ضريبة خصم .
6 - (خطأ ) : الحساب الوحيد الذى لايظهر فى ميزان المراجعة هو حـ / مخزون أخر المدة .
7 - (خطأ ) قيد اقفل العهدة :
من مذكورين
1200 حـ / مستلزمات النظافة
300 حـ / الخزينة
1500 الى حـ / العهدة
8 - (خطأ ) : شهرة المحل هى احدى الأصول الثابتة الغير ملموسة وتهلك .
9 - (خطأ) : قيد مد فترة خطاب الضمان : من حـ / مصاريف بنكية (عمولة مد خطاب الضمان) , الى حـ / البنك .

10- (خطأ ) : طريقة ما يرد اولا يصرف اولا احدى طرق (تسعير ) صرف المخزون وليس تقييم المخزون .

-  السؤال العاشر :

جارى إعداده .......

 الموضوع إعداد محاسب :    محمد محسن 

اقرء المزيد

ما الفرق بين شركات التخصيم و شركات التأجير التمويلى

كلاهما يندرج تحت مؤسسات التمويل غير المصرفية و لكن ....

شركات التخصيم (Factoring Companies)
بدأ نشاط التخصيم مؤخرا في السوق المصرية، وتوجد حاليا شركتان فقط للتخصيم في جمهوية مصر العربية ولكن من المتوقع أن يزيد هذا العدد في السنوات القليلة القادمة. تقوم شركات التخصيم بتمويل الإحتياجات التشغيلية للشركات بتقديم خدماتها للشركة البائعة (تخصيم المقبوضات) بما يمكن الشركة البائعة من أن تبيع حسابات المقبوضات أو فواتير العملاء إلي المشترين والاوراق التجارية لشركة التخصيم، حيث يقوم المخصم خدمات اساسية وهي التمويل الفوري (في شكل دفعة مقدمة تصل إلي 90% من قيمة الفاتورة )بمكا يمكن الشركة تقديم سيولة يمكن إعادة ضخها في الشركة والضمان (حيث يضمن المخصم ضمان سداد الفاتورة في حالة تعثر المشتري أو تأخرة عن السداد )والتحصيل (حيث يقوم المخصم بتحصيل الفواتير من المشترين عن إستحقاقها وذلك مقابل رسوم).

تختلف خدمة تخصيم المقبوضات عن القرض المصرفي في ثلاثة أوجة رئيسية ،شركة التخصيم تركز الإهتمام علي قيمة وجودة المقبوضات أكثر من الملاءة المالية للشركة التخصيم ليس قرضا بل هو شراء للأصول المالية للشركة. يتضمن القرض المصرفي طرفين بينما تتضمن خدمة التخصيم ثلاثة اطراف ويبين الشكل التالي كيفية عمل شركات التخصيم.


شركات التأجير التمويلى Financial Leasing
تقوم فكرة التأجير التمويلي على الفصل بين الملكية الاقتصادية والملكية القانونية، أي باستعمال الأصل دون تملكه. فالعائد المتوقع من أصل مالي معين أكثر أهمية من تملك هذا الأصل نفسه، إذ أن الثروة الحقيقية تتمثل بالاستعمال وليس في مجرد التملك.

ووفقاً لنظام التأجير التمويلي تقوم المؤسسة بشراء ما يحتاج إليه المشروع من أصول إنتاجية، أو تقوم بإجراء التوسيعات المطلوبة. والذي يكون بناء على طلب المشروع الذي يرغب في الاستحواذ على أصل إنتاجي معين أو بإجراء توسيع في مشروعه، فيقوم المشروع طالب التمويل بتحديد المواصفات الفنية لهذا الأصل، بل إنه قد يختاره بنفسه، كما أن له أن يناقش البائع في شروطه، ومن ثم تقوم المؤسسة التي تمارس نشاط التأجير التمويلي بالتعاقد مع المشروع طالب التمويل بعقد التأجير التمويلي والذي مفاده أن المؤسسة تشتري الأصول التي اختارها المشروع طالب التمويل وتؤجرها له مع وعد بالبيع خلال مدة الإيجار، والتي يتم تحديدها بالعقد، ولقاء أجرة يتفق عيها الطرفين، بحيث تغطي الأجرة بجملتها ثمن الشراء وتكاليف الصفقة والفوائد ويضاف إليها هامش ربح معقول لهذه المؤسسة، وتبقى الأصول على ملكية المؤسسة المؤجرة، وعند انتهاء مدة العقد يكون المشروع المستفيد (المستأجر) أمام ثلاث خيارات تتمثل إما برد الأصل إلى المؤسسة المالية أو بطلب تجديد مدة العقد بأجزرة أقل أو بشراء الأصل من المؤسسة المالية بثمن زهيد.

ويلاحظ على نظام التأجير التمويلي أنه قد وفر مشاق كثيرة على المشاريع سواءً القائمة منها أو التي بصدد الإنشاء، فقد يكون المشروع لديه موارد مالية ولكن لا يريد استنفاذها فله عندئذ الرجوع إلى التأجير التمويلي. فبدلاً من أن يجمد رأس المال بشراء الآلات والمعدات اللازمة للتشغيل تقوم المؤسسة المالية بذلك وتؤجرها له بأجرة يتفقان عليها.

كما أنه بالمقابل لا يتكلف المؤجر خلال مدة الإيجار بأية تكاليف إصلاح أو صيانة... الخ، بل يتحمل المستأجر ذلك، وتكون نتيجة ذلك فائدة تعود على المشروع طالب التمويل وذلك بحصوله على الآلات والمعدات اللازمة له دون أن يكلف بدفع ثمنها فوراً، إذ يبقى ملتزماً بالأجرة فقط، أما المؤسسة المالية فتكون في مأمن من إفلاس المشتري أو إعساره، حيث لا تدخل هذه الأصول في أموال التفليسة، إذ أنها تبقى مملوكة للمؤجر خلال مدة الإيجار.

تقوم شركات التأجير التمويلي بتمويل المشروعات الصغيرة والمتوسطة من خلال عملية التأجير التمويلى Leasing وهو عبارة عن عقد اتفاق ينتقل بمقتضاه إلى المستخدم أو المستأجر Lease)) حق استخدام أصل معين مملوك للمؤجر (Leas-or) خلال فترة زمنية معينة مقابل القيمة الايجارية المتفق عليها. وبصيغة أخرى فإن التأجير هو اتفاق تعاقدى بين الطرفين يخول لأحدهما حق الانتفاع بأصل مملوك للطرف الآخر مقابل دفعات دورية لمدة زمنية محددة.

ويعد التأجير التمويلي اقل تعقيدا في متطلباتة من القروض المصرفية ويستغرق وقتا اقل للحصول علية وتقدم الشركات العاملة في هذا المجال مجموعة كبيرة من المنتجات والخدمات

اقرء المزيد